“Festa” në kasolle e familjes Gjeleka që jeton në varfëri të skajshme

Varfëria e skajshme ku jetojnë Festim dhe Gezime Gjeleka, bashke me dy djemtë e tyre në fshatin Okshatine në Bulqizë, thellohet edhe nga problemet me shëndetin mendor që kanë tre prej katër anëtarëve të familjes.

Në temperatura që zbresin në disa gradë nën zero, kasollja e Gjelekajve izolohet vetëm me plasmas dhe kompesata, por nuk ka as tualet.

Në një dhomë që nxin, rrisin 15-vjeçarin e sëmurë, Fitimin dhe Andrean 7-vjeç.

“Burri ka dalë të kërkojë ndihmë”, thotë Festime Gjeleka.

Andrea nuk ka lodra. Bukën e pakët e ia siguron i ati duke kërkuar ndihmë te të tjerët.

“Do të doja të kisha dhurata për Vitin e Ri. As ushqime e as një lloj gjëje”, shprehet Andrea Gjeleka.

“Kushtet e kësaj janë të dobëta për arsye sepse janë me të meta fizike, nga mendja dhe nga fiziku. Prandaj këtu është mirë që shteti të ndihmojë, që të jetojnë si të tjerët”, thotë fqinji e familjes.

Ndihmësit më të afërt dhe njëkohësisht dëshmitarët e mjerimit të tyre janë fqinjët, por në një fshat ku mirëqenia është e ulët, vullneti i tyre i mirë shpesh nuk mjafton. / Top Channel/