Ferrari beson se klientët e tyre janë mjaft të pasur sa mund të mbulojnë një abonim vjetor prej 7,000 euro për një garanci të zgjatur të baterisë

Ferrari beson se klientët e tyre janë mjaft të pasur sa mund të mbulojnë një abonim vjetor prej 7,000 euro për baterinë.

Për këtë shumë të mirë parash, pronarët do të përfitojnë nga një garanci të zgjatur të baterisë dhe ndoshta një vlerë më të mirë rishitjeje.

Por si do të funksionojë saktësisht?

Sipas burimeve të paidentifikuara që janë në dijeni të planeve, abonimi do t’u japë pronarëve të drejtën për një zëvendësim të baterisë pas tetë vjetësh nëse ata zotërojnë një Ferrari hibrid, ose EV-në e tij të parë që do të shfaqet premierë vitin e ardhshëm.

Garancia e zgjatur mbulon gjithashtu të gjitha defektet që lidhen me baterinë, duke u siguruar pronarëve një qetësi të shtuar.

Kur pronarët zgjedhin abonimin vjetor të baterisë, një zëvendësim i dytë i paketës së baterisë do të planifikohet automatikisht kur automjeti të festojë ditëlindjen e tij të 16-të, raporton Bloomberg.

Si standard, modelet e reja të Ferrarit vijnë me një garanci standarde trevjeçare, e cila është mjaft e dobët duke marrë parasysh sa të shtrenjta janë modelet e markës.

Modelet hibride gjithashtu kanë një garanci trevjeçare, por bateria dhe komponentët e lidhur mbulohen nga një garanci më e gjatë pesëvjeçare.

Prodhuesit e tjerë të makinave thuhet se ofrojnë hibridet dhe EV-të e tyre me garanci tetë-vjeçare të baterive. /Telegrafi/