Ferizaj ka arritur marrëveshje me sulmuesin Betim Haxhimusa për rinovimin e kontratës.
Klubi ferizajas ka filluar përgatitjet për edicionin e ri të Superligës së Kosovës pas një edicioni thuajse të përkryer 2024/25 ku luftuan deri në fund për një vend që i dërgon në Evropë.
Njëra nga lëvizjet e para të drejtuesve të Ferizajt ishte rinovimi i kontratës me njërin nga lojtarët kryesor të skuadrës.
Bëhet fjalë për Haxhimusën, i cili do të jetë pjesë e ekipit edhe në edicionin 2025/26.
Postimi i Ferizajt
Vazhdojmë edhe për një sezon me Betim Haxhimusën!
Sulmuesi ynë me përvojë dhe shpirt luftarak do të jetë pjesë e ekipit edhe për sezonin e ri!
Me grintën dhe energjinë e tij në fushë, Betimi do të vazhdojë të japë gjithçka për fanellën e klubit tonë!
/Telegrafi/
