Martin Odegaard ka treguar formë të mirë nën urdhrat e trajnerit Mikel Arteta te Arsenal ndërsa në këtë sezon dhe atij i është besuar edhe shiriti i kapitenit të “Topçinjve”.
Legjenda e Manchester United, Rio Ferdinand, dikur e kishte kritikuar norvegjezin, por kësaj here ai foli me fjalë të mëdha për të, duke e cilësuar si lojtar fantastik.
“Kam thënë se shiriti i kapitenit mund të rëndojë tek Odegaard, të themi të drejtën kishte një mundësi që diçka e tillë të ishte e vërtetë. Sepse për mirë apo për keq, shiriti i kapitenit i ndryshon disa njerëz”.
“Këtë sezon e ka nisur në mënyrë të shkëlqyer dhe mua Odegaard më pëlqen shumë si lojtar, është fantastik”.
“Ka qenë një djalosh i mrekullueshëm prej moshës 15-vjeçare dhe tashmë po e vërteton këtë. Një lojtari ose i peshon shumë shiriti, ose e ndryshon atë dhe e përmirëson”.
“Por, këto ndeshje të para e kanë bërë atë të duket një futbollist më i madh me shumë personalitet dhe karakter”, ka thënë Fedinand. /Telegrafi/