Fëmijët hijeshia e Ditës së Flamurit: Sa bukur e të ëmbël duken me veshje kuq e zi

Me trupa të vegjël e zemër të madhe, fëmijët me veshje kombëtare të bëjnë të duash më shumë këtë festë të shqiptarëve

28 Nëntori për fëmijët është një nga ditët më të dashura, të gjithë e presim me padurim e sidomos fëmijët. Vogëlushët nuk fshehin emocionet në këtë ditë tejet të rëndësishme.

Në këtë ditë fëmijët bëhen qendra e vëmendjes me shumë aktivitete. Në familjet tona dhe sheshet e mbushura, festohet me shumë gëzim, dashuri dhe përkushtim.

Flamuri me fushën e kuqe e shqiponjën dy krenare në mes është simboli më i shenjtë për çdo shqiptar. Fëmijë e të rritur recitojnë, këndojnë e vallëzojnë së bashku me dashuri e respekt Himnin e Flamurit tonë Kombëtar.

Atmosferë artistike, plot ngjyra dhe eksperienca te bukura

Gëzim por dhe shumë emocion për ta sot, pasi do të tregojnë para prindërve, gjyshërve dhe të tjerëve se sa u pëlqen veshja, andaj edhe emocionet që përjetojnë në këtë ditë janë lehtësisht të qarta.

Adari, dy vjeç, tashmë i veshur në rrobat tradicionale dhe me qifteli, është sinkronizuar nën hijen e ngjyrave kuqezi në një atmosferë shumë të ngrohtë. Gjithashtu, me pasion i pëlqen t’i shohë të gjithë fëmijët tjerë të veshur në këto rroba të veçanta.

Rëndësia e kësaj feste është njohja e së kaluarës sonë si popull dhe ruajtja e traditave mbetet një nga misionet themelore të familjeve tona.

Prindërit dhe gjithë ne, duhet të kultivojmë atdhedashurinë dhe dëshirën për të ruajtur vlerat kombëtare tek brezat e rinj. Andaj, kjo festë mbetet ndër më të rëndësishmet e vitit!

Të dashur fëmijë, faleminderit për energjinë pozitive dhe fytyrat tuaja të buzëqeshura. Me ju çdo festë merr kuptim të duhur! /Telegrafi/