Nancy Pelosi udhëton drejt Azisë, nuk dihet nëse do ta vizitojë Tajvanin

Kryetarja e Dhomës së Përfaqësuesve të Kongresit Amerikan, Nancy Pelosi, së bashku me anëtarët e tjerë të delegacionit të Kongresit amerikan, do të nisë sot një vizitë në Azi.

Megjithatë, nuk është ende e qartë nëse ai do të vizitojë edhe Tajvanin, raporton cnbcnews duke cituar dy burime të paidentifikuara. Një nga burimet, i cili kishte njohuri për itinerarin, tha se një vizitë në Tajvan ishte shënuar si një mundësi.

Gjatë vizitës së saj në Azi, Pelosi do të vizitojë Japoninë, Korenë e Jugut, Malajzinë dhe Singaporin.

Presidenti kinez Xi Jinping e paralajmëroi presidentin amerikan Joseph Biden, gjatë një bisede telefonike, të mos luajë me zjarrin rreth Tajvanit dhe vuri në dukje se Pekini është i shqetësuar për një vizitë të mundshme në ishull nga kryetarja e Dhomës së Përfaqësuesve të SHBA, Nancy Pelosi.

Lexo po ashtu Kina “e nervozuar” paralajmëron Nancy Pelosin të mos e vizitojë Tajvanin

Xi deklaroi se Uashingtoni duhet të respektojë politikën e një Kine dhe vuri në dukje se Kina kundërshton me vendosmëri pavarësinë e Tajvanit dhe ndërhyrjen e huaj, raporton reuters.

Biden tha se politika e SHBA-së ndaj Tajvanit nuk ka ndryshuar dhe se Uashingtoni kundërshton fuqishëm përpjekjet e njëanshme për të ndryshuar status quo-në ose për të minuar paqen dhe stabilitetin përgjatë ngushticës së Tajvanit, tha më herët Shtëpia e Bardhë. /Telegrafi/