Fejzullahu me pozitë të re te Xamaxi

Arbnor Fejzullahu ka arritur ta bëjê hapin e tij të madh në karrierë.

Mbrojtësi i djatht shqiptar qëndroi për katër vite në Shqipëri te Partizani.

Ndërkohë gjatë verës Fejzullahu arriti t’i bind drejtuesit e klubit zviceran Xamax për kontratë.

Por Fejzullahu duket se do të ketë një pozitë tê re te Xamaxi.

Trajneri Michel Decastel ka thënë se po mendon ta vendos në mesfush shqiptarin nga Lugina.

“Fejzullahu më bindi në provën që zhvilloi te ne. Pashë menjëherë se ishte një lojtar i mirë në aspektin teknik”.

“Fatkeqësisht nuk ishte në gjendjen më të mirë fizike pasi kishte mbaruar kampionatin në maj. Por unë mendova se me një përgatitje të mirë, mund të na ndihmonte shumë.

“Ai na u prezantua si mbrojtës krahu, unë e shoh më shumë si një mesfushor me tipare mbrojtëse. Mendoj se ka të gjitha karakteristikat për të luajtur në mesfushë, ka një vizion të mirë, luan mirë topin dhe ka qetësi”

“Arbnori ka cilësi të cilat janë teknike dhe taktike gjithashtu. Është agresiv dhe nuk e humb lehtë topin”, tregoi trajneri arsyet se pse nga tani e tutje mund të shohim Fejzullahun në një rol tjetër në fushën e lojës. /Telegrafi/