Përfaqësuesja e Kosovës të dielën fillon kualifikimet për Botërorin “Katar 2022”.
“Dardanët” do të kenë punë të vështirë në Grupin B, ku në ndeshjen e parë takohen me Suedinë në “Fadil Vokrri”.
Lajm i mirë për Kosovën është se në dispozicion do t’a ketë qendërmbrojtësin e St.Gallenit, Betim Fazlijin, i cili kthehet pas një lëndimi.
Lajmin e ka konfirmuar edhe vetë 21-vjeçari përmes një postimi në faqen e tij zyrtare në rrjetin social Facebook.
Fazliji ka shkruar se pas një shqetësimi që kishte ditëve të fundit, tanimë është i gatshëm për ndeshjen e së dielës ndaj Suedisë.
"Pas problemit që pata me lëndim, tani jam i gatshëm për të dielën. Na pret një ndeshje e vështirë, por shpresojmë në rezultat pozitiv", ka shkruar ylli i ri i Kosovës.
/Telegrafi/
