Fauci thotë se rastet e Covid-19 në SHBA janë “16 herë më shumë se normale” për t’i dhënë fund pandemisë

Shtetet e Bashkuara të Amerikës kanë shumë raste të coronavirusit për të parë fundin e pandemisë.

Kështu ka thënë Dr Anthony Fauci, drejtor i Institutit Kombëtar të Alergjisë dhe Sëmundjeve Infektive, për Axios në një intervistë të botuar të enjten, përcjell Telegrafi.

“Fundi i lojës është të shtypësh virusin”, tha Fauci. “Tani për tani, ne jemi ende në gjendje pandemie, sepse kemi 160,000 infeksione të reja në ditë”.

Mesatarja shtatë-ditore e rasteve të reja ka ra pak nga java e kaluar, në 140,000 raste, megjithëse është e mundur që numrat e rasteve të raportuara të jenë më të ulëta duke pasur parasysh dy festa këtë javë.

“(Megjithatë) Vlerësimet e larta e bëjnë të pamundur kthimin në një pamje të jetës normale”, citohet të ketë thënë më tej Fauci.

“Në një vend të madhësisë sonë, ju nuk mund të keni 100,000 infeksione në ditë. Ju duhet të arrini shumë më pak se 10,000 para se të filloni të ndiheni rehat”, ka vlerësuar ai.

“Ky nuk është as një kontroll modest i mirë”, tha Fauci për Axios, “që do të thotë se është një kërcënim për shëndetin publik”.

Sidoqoftë, vaksinat janë akoma vendimtare për të “shtypur” virusin, tha Fauci.

Kur një pjesë e madhe e popullsisë mbrohet nga vaksinat, “ju ende do të infektoni disa njerëz, por nuk do ta keni atë si një kërcënim për shëndetin publik”.

Në këtë kohë, megjithatë, vetëm pak më shumë se gjysma e popullsisë amerikane është plotësisht e vaksinuar. /Telegrafi/