Fauci nuk është duke e këshilluar Bidenin, nuk sheh asnjë arsye për të lënë “ekipin e Trump” tani

Dr. Anthony Fauci, eksperti i lartë i sëmundjeve infektive amerikane, tha se ai nuk ka pasur asnjë kontakt me ekipin e tranzicionit të coronavirusit të presidentit të zgjedhur Joe Biden.

Ai gjithashtu ka thënë se nuk sheh asnjë arsye për të hequr dorë nga përpjekja kur ka shumë për të bërë tani për të luftuar pandeminë e vrullshme.

“Unë qëndroj në korsinë time. Unë nuk jam politikan. Unë bëj gjëra të shëndetit publik”, ka thënë ai gjatë një konference, shkruan Reuters, përcjell Telegrafi.

Që nga janari, Fauci ka shërbyer në Task Forcën për Coronavirus të Shtëpisë së Bardhë të presidentit Donald Trump, një pozicion që e ka vënë atë shpesh në kundërshtim me presidentin, i cili ka kërkuar të minimizojë pandeminë dhe të përqendrohet në hapjen e ekonomisë.

Këshillat e tij për presidentin e zgjedhur, tha ai, janë “saktësisht të njëjtat” me atë që ai po rekomandon tani – distancimi shoqëror, shmangia e turmave, mbajtja e maskave, larja e duarve.

“Parimet e shëndetit publik nuk ndryshojnë nga një muaj në tjetrin ose nga një administratë në tjetrën”.

Fauci ka shërbyer në gjashtë administrata dhe u bë i njohur sidomos në luftimin e epidemisë së AIDS-it në vitet 1980 nën presidentin Ronald Reagan. /Telegrafi/