Fauci: Heqja e maskave në aeroplan ‘nuk është diçka që duhet ta kemi parasysh’

Drejtori i Institutit Kombëtar të Alergjisë dhe Sëmundjeve Infektive, Dr. Anthony Fauci tha se heqja e maskave ndërsa jeni në një aeroplan “nuk është diçka që ne duhet ta konsiderojmë”.

Fauci i bëri komentet ndërsa ishte në ABC’s This Week të dielën dhe po i përgjigjej një pyetjeje mbi një mandat vaksine për udhëtimet ajrore të brendshme, përcjell Telegrafi.

“Ne duam të sigurohemi që njerëzit t’i mbajnë maskat e tyre. Unë mendoj se ideja e heqjes së maskave, në mendjen time, nuk është me të vërtetë diçka që duhet ta konsiderojmë”, ka thënë Fauci.

Ndryshe, gjatë një seance dëgjimore të panelit të Senatit të SHBA më 15 dhjetor, CEO i Southwest Airlines, Gary Kelly tha se maskat “nuk shtojnë shumë, nëse asgjë” për të luftuar përhapjen e COVID-19 në aeroplanë.

Kur iu përgjigj pyetjes, Fauci sinjalizoi gjithashtu se një mandat vaksine për udhëtimet ajrore të brendshme mund të funksionojë si një mekanizëm që individët të vaksinohen.

“Kërkesa për vaksinë për një person që hyn në aeroplan është vetëm një nivel tjetër për t’i bërë njerëzit të kenë një mekanizëm që do t’i nxiste ata të vaksinohen; domethënë, ju nuk mund të hipni në aeroplan nëse nuk jeni të vaksinuar”, ka thënë më tej Fauci. /Telegrafi/