Eto’o këshillon Xavin: Kthehu te Barcelona derisa është ‘Zoti i Futbollit’ aty

Samuel Eto’o e ka udhëzuar Xavin të rikthehet te Barcelona ndërsa Lionel Messi është akoma duke luajtur, me ish-yllin e Kamerunit që e ka emëruar gjashtë herë fituesin e Topit të Artë si “Zoti i Futbollit”.

Xavi tashmë gëzon statusin legjendar në Camp Nou, pasi u paraqit mbi 500 herë për klubin katalunas në 17 vjet të kaluara si profesionist që nga bashkimi më 1991.

Tani 40 vjeç, ish-ylli i Spanjës po menaxhon Al-Sadd, ku ai kaloi katër vitet e fundit të karrierës së tij si lojtar, por vazhdimisht është i lidhur me një transferim në Camp Nou, veçanërisht nëse ekziston një vend i lirë në karrigen e trajnerit.

Lexo po ashtu Kështu mund të dukej formacioni i Barcelonës, nëse Xavi bëhet trajner i tyre

Ndërsa Xavi ka deklaruar më parë se nuk ndihet i gatshëm për detyrën e drejtimit të Barcas, Eto’o, i cili e ndihmoi klubin për titullin e Ligës së Kampionëve të vitit 2009 nën Pep Guardiolan, ka inkurajuar ish-shokun e tij që të mos presë më gjatë.

Eto’o i ka thënë Xavit se duhet të shkojë te Barcelona derisa Messi është pjesë e ekipit.

“I kam thënë Xavit se çfarëdo që të ndodhë, ai duhet të kthehet në Barca”, ka thënë fillimisht Eto’o për Cataluyna Radio.

Lexo po ashtu Xavi zbulon bisedën që kishte me Guardiolan për ta bindur që të mbante Eto'on te Barcelona

“Unë i thashë se ai duhet ta bëjë atë ndërsa ‘Zoti i Futbollit’ është akoma aty”.

“Ai luajti me të, dhe kjo do ta lehtësojë atë”, përfundoi ish-sulmuesi i Kamerunit. /Telegrafi/