Është 231 cm i gjatë, por nuk arriti të bëjë karrierë basketbollisti – mësohet çfarë bën tani Robert Bobroczky

Tetë vjet më parë, Robert Bobroczky ishte një hit në botën e basketbollit pasi me një gjatësi prej 231 cm, ai konsiderohej i lindur për majat e ligës elitare të basketbollit, NBA.

Bobroczky ishte jashtëzakonisht dominues në kategoritë më të reja, të cilat tërhoqën skautët nga e gjithë bota.

Ai luajti për Stella Azzuri në Itali dhe në moshën 15-vjeçare shkoi në SHBA ku luajti për shkollën e mesme të Gjenevës dhe më pas luajti për Saint John në Ohio përpara se të diplomohej në Kolegjin Rochester.

Rumuni nuk luftoi për minuta atje dhe karriera e tij në basketboll mori një rrugë në rënie në fazat e hershme.

Ai kishte probleme të mëdha shëndetësore, të gjitha për shkak të rritjes së tij të shpejtë. Kockat e tij nuk ishin zhvilluar mjaftueshëm dhe në një lartësi prej 231 cm ai peshonte më pak se 100 kg.

Skolioza e tij bëhej gjithnjë e më e dukshme me kalimin e viteve, i ishte dëmtuar shtylla kurrizore për shkak të gjatësisë, si dhe pësoi edhe pjesa e poshtme e shpinës. Gjithashtu, filluan të shfaqen edhe problemet e gjurit.

Se llama Robert Bobroczky.
Con 12 años medía 2.18 metros.
Nació en el 2000 y mide 2.32 metros.
Sueña con jugar en la NBA. Qué locura.pic.twitter.com/G8l0Itmj1V

— Lordcruyff (@Lordcruyff) August 31, 2020

Djaloshi me origjinë hungareze nuk pati sukses në basketboll, por gjithsesi qëndroi në SHBA ku bën një podcast në platformën Spotify. Ai flet anglisht, hungarisht, italisht dhe rumanisht.

Është interesante se babai i tij Zigmond është një ish-basketbollist me gjatësi 217 cm, dhe nëna e tij është një ish-lojtare hendbolli dhe volejbolli me gjatësi 188 cm. Roberti e tejkaloi atë kur ishte nëntë vjeç. /Telegrafi/