Ernest Muçi doli për ta mirëpritur, Legia zyrtarizon me një video unike talentin e madh shqiptar Jurgen Çelhaka

Talenti i madh shqiptar, Jurgen Çelhaka ka kompletuar transferimin tek gjiganti polak, Legia e Varshavës.

Ashtu siç u paralajmërua nga mediat polake dhe ato shqiptare, mesfushori i talentuar ka bërë hapin e madh në karrierë, duke u transferuar në Poloni.

Fillimisht ka qenë Legia e Varshavës që ka dhënë sinjale për zyrtarizimin e Çelhakës, pasi ka postuar një video të Muçit që priste dikë dhe i tregonte ambientet e klubit dhe më pas ka njoftuar firmën me mesfushorin e talentuar.

Pas asaj video fantastike, ka ardhur zyrtarizimi nga dy klubet, Tiranës dhe Legia e Varshavës.

Let’s welcome our new friend! 🇦🇱#DzieńTransferowy 🔄 #TransferDay pic.twitter.com/p5tZkFAHED

— Legia Warsaw (@LegiaWarsawEN) August 26, 2021

Detajet e këtij transferimi nuk janë publikuar as nga Tirana, por as nga klubi polak.

Por besohet se Çelhaka ka nënshkruar një kontratë afatgjate prej katër viteve me kampionët e shumëfishtë të Polonisë.

20-vjeçari është rritur në akademinë e Tiranës ku ka shkëlqyer në dy sezonet e fundit në Superiore.

Çelhaka te Legia ribashkohet me Ernest Muçin, pasi dy futbollistët janë miq shumë të mirë edhe jashtë fushës. /Telegrafi/

Jurgen Çelhaka in Warsaw 👋 #DzieńTransferowy 🔄 #TransferDay

📸 @mat_kostrzewa pic.twitter.com/4htdOxwOLl

— Legia Warsaw (@LegiaWarsawEN) August 26, 2021