Erik ten Hag mund të jap dorëheqje nga posti i trajnerit tek Man United, nëse nuk plotësohet një kusht

Erik ten Hag raportohet se mund të jap dorëheqje nga posti i trajnerit tek Manchester United në rast se plotësohet një kusht.

Tekniku holandez e ka shijuar një sezon të parë të mirë në ‘Old Trafford’ pasi kishte fituar Carabao Cup dhe kishte siguruar kualifikimin në Ligën e Kampionëve.

Sa i përket këtij sezoni, pritshmëritë ishin që Ten Hag ta dërgonte Unitedin në një nivel më lartë, sidomos pas transferimit të yjeve si Andre Onana, Mason Mount dhe Rasmus Hojlund.

Sidoqoftë, sezoni 2023/2024 ka shkuar si mos më keq për ‘Djajtë e Kuq’ pasi rezultatet e tyre kanë qenë larg standardit që kërkohet.

Lexo po ashtu Fabrizio Romano konfirmon datën se kur do të vendoset e ardhmja e Ten Hag

Momentalisht, United gjendet 13 pikë larg vendit të katërt që mbahet nga Aston Villa, teksa shpresat e tyre për kualifikim në Ligën e Kampionëve kanë filluar të zbehen. Si rezultat, e ardhmja e Ten Hag është zhytur në errësirë, pasi aksionari i ri Sir Jim Ratcliffe raportohet se po kërkon opsione për ta zëvendësuar atë.

Emra si Gareth Southgate dhe Graham Potter janë diskutuar lidhur me një kalim të mundshëm në ‘Old Trafford’.

Tani është raportuar se Ten Hag mund të jap dorëheqje nga posti i tij, por vetëm me një kusht.

Siç u raportua nga The Mirror, Ten Hag do të largohej nga roli i tij në fund të sezonit në rast se nuk merr garanci nga Ratcliffe dhe ekipi i tij për besnikërinë e tyre ndaj tij./Telegrafi/