Emona Center shpërblehet me çmimin “The Best of Kosova” – Punëdhënësi i Vitit 2024

Rrjeti i supermarketeve Emona Center ka arritur një nga sukseset më të mëdha të vitit, duke u vlerësuar me Çmimin “The Best of Kosova” si Punëdhënësi i Vitit 2024.

Këtë mirënjohje prestigjioze e ndau Oda Ekonomike e Kosovës gjatë një mbrëmjeje gala të veçantë, e cila mblodhi personalitete të spikatura nga fusha e biznesit, ekonomisë dhe shoqërisë civile.

Fitorja e çmimit “Punëdhënësi i Vitit” e vendos Emona Center në radhën e kompanive model në Kosovë. Ky vlerësim i jep njohje përkushtimit të kompanisë për krijimin e vendeve të reja të punës, avancimin e kushteve të punës dhe promovimin e mirëqenies së punëtorëve të saj.

Drejtuesit e Emona Center theksuan se ky çmim është rezultat i një strategjie të qëndrueshme që ka në qendër zhvillimin e burimeve njerëzore.

Çmimi “The Best of Kosova” — Punëdhënësi i Vitit 2024 është një nga titujt më të lakmuar në sektorin e biznesit në Kosovë. Vlerësimi bazohet në kritere si numri i vendeve të reja të punës, kushtet e punës, benefitet sociale për punëtorët dhe ndikimi që kompania ka në ekonominë lokale.

Përfaqësuesit e Odës Ekonomike të Kosovës theksuan se Emona Center doli fituese falë angazhimit të saj të vazhdueshëm në fuqizimin e fuqisë punëtorë dhe krijimin e një ambienti të qëndrueshëm pune.

Emona Center si Punëdhënësi i Vitit ka gjithashtu ndikim të gjerë në zhvillimin ekonomik të vendit. Duke rritur numrin e të punësuarve dhe duke ofruar kushte më të mira të punës, kompania kontribuon drejtpërdrejt në uljen e papunësisë dhe rritjen e fuqisë blerëse në tregun kosovar.

Me këtë sukses, Emona Center konfirmon pozicionin e saj si një nga punëdhënësit më të dëshmuar në tregun kosovar.