Emily Ratajkowski aprovon trendin e çizmeve që do të jenë kryefjala e sezonit të ri

Ngjarjet e mëdha të modës nuk janë thjesht e vetëm trampolina për të përcjellë trendet që do të dominojnë sezonin e ri pranverë/verë 2024

Shpesh, janë të famshmet ato që kthehen në protagonist stili për gjithçka që kanë në trup, nga veshjet, aksesorët, çanta dhe këpucët. Këto të fundit janë investimi më i zgjuar që duhet bërë për t’i rezistuar kohës dhe trendeve që ikin e vijnë.

Këtë herë, sytë e të gjithëve mbetën te supermodelja Emily Ratajkowski që zgjodhi të ishte pjesë e javës së modës në Paris për markën e Acne Studios.

Emili zgjodhi çizmet me ngjyrë të kuqe të ndezur, prej materiali lëkure me shkëlqim që do të jenë kësisoj një nga tendencat më të nxehta për këtë sezon. Ndoshta, kjo është mënyra më efektive për të “thyer” tonet neutrale dhe pamjet e mërzitshme duke i shtuar dozat e së kuqes së theksuar si një ngjyrë që bie shumë në sy.

Modelja i kombinoi çizmet me një bluzë të bardhë dhe një fund të gjatë me prerje asimetrike, një çantë e zezë në supë, pa aksesorë, si për të lënë çizmet në ngjyrë të kuqe të përflakur që të flasin vetë.

Me takë, me majë të theksuar, këto çizmet do të jenë kryefjala e sezonit të ri, citon Anabel.

Të kuptohemi, mund të mos jenë çizmet identike të Emily-t, por të kuqe plot shkëlqim dhe jeni në lartësinë e duhur të stilit për pranverën! /Telegrafi/