Elon Musk thotë se Cybertruck është ‘mjaftueshëm rezistent ndaj ujit’ për kalimin e liqeneve

Drejtori ekzekutiv i Tesla Elon Musk të enjten në një postim në Twitter shpërndau detaje të reja për Cybertruck. Musk shkroi se kamionçina është “mjaftueshëm rezistente ndaj ujit” që “shkurtimisht” të funksionojë edhe si barkë.

Kjo nuk është hera e parë që Musk shkruan për kapacitetet ujore të Cybertruck. Në prill të vitit 2020 Musk në një postim ka thënë se kamionçina mundet edhe “të pluskoi për pak kohë”.

Cybertruck will be waterproof enough to serve briefly as a boat, so it can cross rivers, lakes & even seas that aren’t too choppy

— Elon Musk (@elonmusk) September 29, 2022

Por që tendencat hidrofile të Musk shkojnë edhe më prapa në kohë kur ai kishte deklaruar se Model S ishte gjithashtu i aftë të shndërrohej në barkë për “periudha të shkurtra kohore”, por që ishte diçka që vet kompania nuk i rekomandonte askujt që ta provonte. Megjithatë, shtytja do të vinte nga rrotullimi i rrotave, raporton Motor 1, transmeton Telegrafi.

Musk tani bënë të ditur se Cybertruck mund të jetë e aftë që të kalojë lumenj, liqene dhe dete që nuk janë shumë të lëkundshme. Megjithatë, është e paqartë se si kalimi i diçkaje aq domethënëse si deti kalon me pjesën e parë të statusit të tij në Twitter.

“Mjaftueshëm rezistent ndaj ujit” dhe “të shërbej për kohë të shkurtë” nuk janë fjalë që zakonisht lidhet me anije detare. Musk e bëri edhe një status tjetër të bashkangjitur ku deklaroi se Cybertruck ka nevojë për aftësi në mënyrë që të kaloi kanalin për ishullin South Padre në Teksas.

Ishte supozuar se kamionçina do të futej në prodhim në fund të vitit 2021, por kur erdhi afati i fundit, asnjë kamionçinë nuk kishte dalë nga linja e prodhimit. Prodhimi pastaj u shty për në fund të vitit 2022, por nuk po ndodh asgjë e re. Në vend të kësaj, prodhimi pritet që të nisë në fillim të vitit 2023. /Telegrafi/