Elon Musk nuk do të shtyjë të rrisë prodhimin e veturave Tesla – për shkak të “pasigurisë ekonomike”

Shefi ekzekutiv i Tesla-s, Elon Musk thotë se prodhuesi i makinave nuk do të nxitojë të rrisë prodhimin e automjeteve të tij elektrike për shkak të frikës së pasigurive ekonomike dhe ndikimit të normave të larta të interesit.

Ndërsa fliste me analistët dhe investitorët për rezultatet financiare të tremujorit të tretë të Tesla-s, Musk shprehu shqetësime për normat e larta të interesit që mund t’i bëjnë makinat e reja të papërballueshme për konsumatorët, shkruajnë mediat e huaja, përcjell Telegrafi.

Ai shtoi se Tesla po vazhdon “me kujdes” punën për fabrikën e saj të planifikuar në Meksikë, duke vënë në dukje se nuk dëshiron të shkojë “në shpejtësinë maksimale në pasiguri”.

“Një numër i madh njerëzish po jetojnë nga pagesa në rrogë dhe me shumë borxhe”, tha ai.

“Ata kanë borxh krediti, borxh hipotekor. Pra, ky është realiteti për shumicën e njerëzve. Ndonjëherë është e vështirë për njerëzit që fitojnë të ardhura të larta, dhe unë do të thosha se do të ishte dikush që fiton mbi 200,000 dollarë në vit, të kuptojë se si është jeta për dikë që fiton pesëdhjetë ose gjashtëdhjetë ose 70,000 dollarë në vit, që është shumica e njerëzve”. /Telegrafi/