E njihni si Lamine Yamal, por asnjëri nga këta nuk është mbiemri i tij i vërtetë

Lamine Yamal, anësori sensacionale i Barcelonës dhe Spanjës, po shkëlqen në Euro 2024, pavarësisht se është vetëm 16 vjeç.

Më saktësisht, nesër ai do të mbushë 17 vjeç dhe do të ketë aq në finalen që Spanja e luan ndaj Anglisë.

Yamal ka qenë historia kryesore e botës së futbollit për muajin e fundit të Euro 2024, por deri në verën e vitit të kaluar, Maroku luftoi fort për ta bindur të luante në Kupën e Kombeve Afrikane në vend të Kampionatit Evropian.

Kjo sepse babai i lojtarit Mounir është nga Maroku. Nëna e tij është nga Guinea Ekuatoriale. Duke luajtur për Spanjën, Lamine Yamal vesh këpucë futbolli me flamujt e vendeve afrikane, sepse thekson se sa krenar është për origjinën e tij.

Lidhur me këtë, Mundo Deportivo zbulon diçka për heroin e ri spanjoll. Katalanasit shkruajnë se shumë në Spanjë e lëre më në botë mendojnë se fenomeni quhet Lamine dhe mbiemri i tij është Yamal.

Por kjo nuk është e vërtetë sepse të dy janë emrat e tij. Më saktë, emri dhe emri i dytë. Ai ka edhe dy mbiemra, sepse sipas ligjit spanjoll, një person mban mbiemrin e babait të tij si i pari dhe të nënës së tij si i dyti. Mbiemri i parë i Lamine është Nasraoui, që është mbiemri i babait të tij. E dyta e tij është Ebana, të cilën e mban nëna e tij.

Megjithatë, vetë lojtari insiston që në pajisjet e tij në klub dhe në kombëtare të shënohen edhe emrat e tij dhe jo mbiemri.

Pra emri i tij i plotë është Lamine Yamal Nasraoui Ebana. /Telegrafi/