Në një video amatore shihet një vajza duke i ofruar një banane elefantit, por ajo në momentin e fundit e largon dorën kur elefanti tentoi ta merr frutin.
E kjo e argëtoi paksa vajzën, e cila nuk e dinte se edhe elefanti mund të nervozohet dhe ta godet në mënyrën më të tmerrshme siç edhe kishte ndodhur.
Një mikeshë që po e filmonte dëgjohet duke bërtitur dhe lëshon kamerën në tokë, kur shoqja e saj “fluturon” pasi goditet nga elefanti.
Videoja e këtij incidenti është publikuar nga Susanta Nanda, zyrtar i pylltarisë në Indi i cili vazhdimisht bën thirrje që të kenë kujdes vizitorët me kafshët.
“Nuk mund ta mashtroni elefanti. Janë një prej kafshëve më inteligjente”, tha Nanda.
Videoja nxiti një “lumë komentesh”, dhe shumë prej tyre vazhdimisht pyesnin për gjendjen shëndetësore të vajzës. /Telegrafi/
You can’t fool an elephant even though he is tamed. They are one of the most intelligent animals to be in captivity. pic.twitter.com/rQXS6KYskN
— Susanta Nanda (@susantananda3) April 27, 2023