‘E godita me thikë nga inati’ – momenti kur arrestohet burri në Angli i cili vrau vëllain e tij

Pamjet tregojnë momentin kur policia arrestoi një burrë në Angli i cili theri me thikë për vdekje vëllain e tij më të vogël pasi thuhet se i kishte bërtitur qenit të familjes.

Sipas medieve të huaja, përcjell Telegrafi, Samuel Campbell, 24-vjeçar, vdiq nga një plagë e vetme në gjoks gjatë përleshjes me vëllanë e tij William në kopshtin e nënës së tyre pak pas mesnatës së 18 qershorit.

Policia dhe ekuipazhet e ambulancës nxituan në shtëpinë në Silksworth, Sunderland, ku gjetën Samuelin të shtrirë i mbuluar me gjak disa momente më vonë.

Campbell, nga Stokesley, North Yorkshire, mohoi vrasjen, por u shpall sot fajtor pas një gjyqi njëjavor në Gjykatën e Kurorës së Newcastle.

Atij iu është caktuar masa e paraburgimit dhe do të dënohet më 5 janar.

Pamjet nga kamerat e policisë, të cilat iu shfaqën një jurie gjatë gjyqit, tregojnë Campbell duke e pranuar me qetësi para një oficeri që e goditi me thikë vëllain e tij ‘nga inati’.

Më pas ai vazhdon të pyesë oficerin për ‘protokollin’ e arrestimit të tij.

Ai i thotë një oficeri: ‘E godita me thikë nga inati.’

Polici i përgjigjet: ‘Je i arrestuar.’

Campbell pyet: ‘Çfarë nënkupton kjo? Unë e kuptoj protokollin, por çfarë nënkupton kjo?

‘Çfarë duhet të bëj?’

Juria dëgjoi se Campbell sulmoi vëllain e tij pasi ata u grindën sepse Samueli ‘i kishte ngritur zërin qenit’.

Ai pretendoi se donte që Samueli t’i ‘kërkonte falje’ qenit që i kishte bërtitur, por në vend të kësaj i futi një thikë në gjoks.