E gjitha bota po brengoset për situatën Ukrainë-Rusi, Putini po merret me Navalnyn

Ndërkohë që e gjithë bota po ndjek ngjarjet në Ukrainë, në Rusi ka nisur një gjyq i ri i opozitarit Alexei Navalny. Nëse shpallet fajtor, njeriu që konsiderohet kritiku më i madh i presidentit rus, Vladimir Putin mund të dënohet edhe dhjetë vjet të tjera.

Lideri i opozitës ruse është akuzuar për përvetësim të donacioneve nga organizata e tij kundër korrupsionit, FBK, e cila ka akuzuar presidentin rus se ka një vilë miliarda dollarësh dhe zyrtarë të tjerë të lartë që po pasurohen përmes skemave të korrupsionit.

Navalny i mohoi akuzat dhe i quajti ato të motivuara politikisht, raporton theguardian.

Një gjyq i ri për përvetësim filloi të martën në koloninë penale IK-2, ku Navalny po vuan dënimin e tij ekzistues me burg. Ky vend është tre ose katër orë me makinë nga Moska, gjë që kufizon rëndë aftësinë e mbështetësve dhe vëzhguesve për të marrë pjesë në seancat.

View this post on Instagram

A post shared by Юлия Навальная (@yulia_navalnaya)

Navalny tashmë po vuan një dënim prej tre vjet e gjysmë burg për një akuzë të veçantë për përvetësim. Ai i mbijetoi një tentative helmimi në vitin 2020 dhe u arrestua pasi u kthye në Rusi vitin e kaluar.

“Autoritetet duan ta fshehin atë nga të gjithë, nga mbështetësit e tij, nga gazetarët. Ai është aq i mjerë sa kanë frikë ta mbajnë një gjyq në Moskë”, shkroi gruaja e tij, Yulia Navalnaya në Instagram.

Kur seanca filloi të martën, Julia Navalny përqafoi bashkëshortin e saj, i cili ishte veshur me një kostume blu burgu. Navalny nuk u mbajt në kafaz, siç bëhet zakonisht gjatë proceseve penale në Rusi, sepse salla e gjyqit ishte brenda burgut.

Maria Pevchikh, një tjetër këshilltare kryesore e Navalny, tha se rreziku për Navalny ishte rritur pasi vëmendja e publikut u zhvendos nga shqetësimet e të drejtave të njeriut në potencialin e një sulmi rus në Ukrainë.

“Rreziku për jetën e Navalnyt, pra probabiliteti që ai të vritet në burg, do të rritet në mënyrë eksponenciale, në varësi të asaj që po ndodh në Ukrainë”, ka shkruar ajo.

“Shanset janë tashmë shumë të këqija, por pushtimi i plotë rus vështirë se i lë atij ndonjë shans për të mbijetuar”, tha ajo.

Gazetarët thanë se atyre që donin të hynin në sallën e gjyqit u ndalohej të sillnin laptop, telefona ose pajisje regjistrimi.

Navalny akuzohet për përvetësim të donacioneve nga fondi i tij kundër korrupsionit, i cili ka hetuar zyrtarët e qeverisë për vite me radhë dhe ka provokuar protesta në shkallë të gjerë kundër Putinit.

Ai akuzohet gjithashtu për shpërfillje të gjykatës për fyerje të dyshuar të një gjyqtari gjatë një gjyqi të mëparshëm. /Telegrafi/