LAJMI I FUNDIT:

Dyshohet se dhunoi për vdekje Egli Progën, mbërrin në gjykatë Denis Meçe

Dyshohet se dhunoi për vdekje Egli Progën, mbërrin në gjykatë Denis Meçe

Motra e Egli Progës pas vdekjes së vëllait të saj dy ditë më parë, ka pritur me thirrjet “O Kafshë” sot para dyerve të Gjykatës së Korçës , Denis Meçen.

Meçe është dhunuesi i dyshuar që solli vdekjen e vëllait të saj, Egli Progës dy ditë më parë, i cili e ka goditur atë me sende të forta në një lokal në Pogradec.

Si shkak i plagëve të marra dhe frakturave të rënda, Proga ndërroi jetë.


Vrasja në Pogradec, babai i Egli Progës: Jam i zhgënjyer nga policia
Lexo po ashtu Vrasja në Pogradec, babai i Egli Progës: Jam i zhgënjyer nga policia

Menjëherë pas ngjarjes, shtetasi Denis Meçe është larguar nga vendi i ngjarjes, ndërkohë që nga këqyrja e kamerave të sigurisë edhe për policinë është sqaruar gjithë dinamika e sherrit të ndodhur.

Në Gjykatën e Korçës do të mbahet sot seanca ndaj Meçes dhe 3 personave të tjerë të akuzuar për moskallëzim krimi.

Bëhet fjalë për Voltan Shulku, Arian Manellari dhe Leonidha Guce të gjithë nga Pogradeci. /Telegrafi/