Dy vende në shtëpi në të cilat nuk duhet t’i mbani lulet gjatë dimrit

Gjatë ditëve të ftohta të vjeshtës dhe të dimrit, shumicën e luleve më së miri është t’i fusim në shtëpi, mirëpo ekzistojnë dy vende në shtëpi të cilat assesi nuk u përshtaten

Njësoj vlen edhe për lulet të cilat i mbajmë gjatë gjithë vitit brenda në shtëpi, transmeton Telegrafi.

Fjala është për vendet pranë dritareve nëpër të cilat kalon ajri i ftohtë (duhet kujdesur që fletët e lules të mos prekin xhamin e ftohtë të dritares) dhe pranë burimit të nxehtësisë, siç janë stufat dhe radiatorët, sepse tërheqin lagështinë nga lulja, andaj është e mundshme që shpejt të thahet.

Këtë do ta vëreni nga fletët të cilat ngadalë marrin ngjyrë të gështenjtë, përkatësisht fillojnë të vyshken.

Ujitja e rrallë

Për shkak të zvogëlimit të dritës së diellit, lulet e shtëpisë gjatë dimrit rriten më ngadalë, andaj nuk u është i nevojshëm shumë ujë si në stinët e ngrohta. Me ujitje të tepruar bimëve mund t’u shkaktoni sëmundje të ndryshme.

Më shumë dritë

Meqenëse rreze dielli ka pak, përpiquni që t’i eliminoni të gjitha pengesat e absorbimit të dritës së diellit – fshijani fletëve pluhurin rregullisht. /Telegrafi/