Dy të vdekur dhe tre të plagosur pas të shtënave me armë në një festë në Minnesota

Dy persona kanë mbetur të vdekur ndërsa tre të tjerë të plagosur nga të shtënat me armë në një festë në Minnesota.

Sipas mediave të huaja, përcjell Telegrafi, oficerët u thirrën rreth orës 17:15 të shtunën (sipas kohës lokale) duke raportuar për një person të qëlluar.

Por kur mbërritën, policia gjetën një “skenë kaotike”.

Oficerët kërkuan ndihmën e autoriteteve, por u informuan se disa nga të plagosurit u dërguan në spital me automjete private.

Një burrë u shpall i vdekur në vendin e ngjarjes dhe një tjetër u shpall i vdekur në spital pasi mbërriti me një automjet privat.

Ndër tre viktimat e tjera të të shtënave, një burrë është në gjendje kritike në spital, një grua është në gjendje të qëndrueshme në spital dhe një grua tjetër po trajtohej për lëndime jashtë rrezikut për jetën në spital.

Hetuesit po kryejnë intervista për të kuptuar se çfarë ka ndodhur dhe kush është përgjegjës.

Motivi, në këtë rast, nuk është përcaktuar, ndonëse hetuesit nuk besojnë se bëhet fjalë për të shtëna të rastësishme. /Telegrafi/