Dy lëndim te Kosova, Halimi dhe Hajdini lënë stërvitjen në gjysmë

Fillimisht ishte portieri Bledar Hajdini, ai që nuk ka mundur të stërvitet sot, pasi dje kishte pësuar dëmtim.

Ai sot u kontrollua nga stafi mjekësor dhe u vendos të mos stërvitet

Nëse Hajdini nuk do të jetë i gatshëm për ndeshjen, atëherë Bunjaku duhet ta ftojë një tjetër portier.

Tjetër lajm i keq nga stadium “Adem Jashari”, është se edhe mesfushori Besar Halimi ka ndërprerë stërvitjen.

Lojtari ka pësuar një lëndim dhe është detyruar të ulet në bankë.

Hajdini dhe Halimi së bashku nga banka e kanë shikuar stërvitjen e Kosovës.

Halimi njëri prej lojtarëve më në formë momentalisht te Kosova. Ai po shkëlqen me gola tek Brondby i Danimarkës. /Telegrafi/