Drita në kërkim të fitores së tretë radhazi, Gjilani e Llapi luajnë në udhëtim

Java e 12-të në BKT Superligën e Kosovë fillon sot me tri ndeshje shumë interesante.

Drita e cila ka marrë dy fitore radhazi pret Malishevën që ka gjashtë ndeshje pa fitore në BKT Superligë.

Gjilanasit duan të vazhdojnë me fitore për ta arritur pozitën e parë në tabelë, në anën tjetër debutuesit në elitën e futbollit kosovar udhëtojnë drejt Gjilanit për të shkaktuar befasi.

Ndeshje shumë interesante zhvillohet edhe në Klinë, ku Dukagjini pret Gjilanin.

Vendasit në këtë takim vijnë pas humbjes 2-0 nga Drenica dhe duan të rikthehen tek pikët e plota në kampionat.

Në anën tjetër Gjilani është duke kaluar formë fantastike ku në gjashtë sfidat e fundit kanë katër fitore e dy barazime.

Takimi tjetër që është në program për tu zhvilluar ditën e sotme është ai mes Feronikelit dhe Llapit.

Të dyja vijnë pas humbjeve në xhiron e fundit dhe duan të rikthehen tek rezultatet pozitive. /Telegrafi/

BKT Superliga

E shtunë

13:00 Drita – Malisheva
13:00 Dukagjini – Gjilani
13:00 Feronikeli – Llapi

E diel

Ulpiana – Ballkani
Prishtina – Drenica