Dortmundi synon transferimin e Jobe Bellingham për një çmim të lirë

Borussia Dortmund po bën presion për të nënshkruar me Jobe Bellingham në afatin kalimtar të janarit, raporton The Sun.

Jobe aktualisht luan për Sunderlandin ku është bërë një lojtar kyç për ekipin e Championship. Sunderland e nënshkroi atë për vetëm dy milionë euro në vitin 2023.

Dortmundi tani po shikon mundësinë e blerjes së mesfushorit sulmues 19-vjeçar për një çmim të lirë në një model të ngjashëm pasi ata morën vëllain e tij të madh Jude nga Birmingham.

Megjithatë, Sunderland është i vetëdijshëm për talentin e Jobe dhe pritet të insistojë në 20 milionë euro nëse do ta shesin atë.

Megjithatë, nëse Jobe rezulton të jetë diçka e afërt me vëllain e tij të madh Jude, Dortmundi mund të ketë një fitim të madh në vitet në vijim.

Kujtojmë se Dortmundi mori një tarifë fikse prej 103 milionë euro për shitjen e Jude.

Por kjo tarifë u rrit në 110 milionë euro pasi Jude fitoi trefishin me Madridin dhe përfundoi në mesin e top 3 të Topit të Artë.

19-vjeçari Jobe Bellingham këtë edicion në 13 ndeshje ka shënuar dy gola dhe ka asistuar në një tjetër, derisa vitin e kaluar ai kishte shënuar shtatë gola. /Telegrafi/