Dortmundi nuk lejon largimin e Aubameyangut

Klubi gjerman, Borussia Dortmund nuk do të shesë yllin kryesor të skuadrës, Pierre-Emerick Aubameyang, gjatë afatit kalimtar të janarit.

Sulmuesi nga Gaboni është një emër shumë i lakuar në thashethemet për transferimet e mundshme.

Skuadrat e mëdha angleze si Chelsea, Arsenali e Liverpooli dhe ajo spanjolle, Real Madridi thuhet së kanë shprehur interesim për shërbimet e tij.

Lexo po ashtu Liverpooli dhe Chelsea interesohen për Aubameyangun pas suspendimit nga Dortmundi

Mes sulmuesit dhe klubit milioner gjerman është përfolur për një ndarje e mundshme, por për momentin në shtëpinë e gjermaneve ende nuk ka ardhur ende një ofertë zyrtare.

Megjithatë, sipas gazetës prestigjioze gjermane Sport Bild, Dortmundi nuk do të lejojë largimin e yllit kryesor të skuadrës.

Klubi gjerman nuk dëshiron të humbasë Aubameyangin të paktën deri në afatin kalimtar të verës.

Lexo po ashtu Brenda jetës ekstravagante të Aubameyang, futbollisti me veturë të personalizuar dhe luks të tepruar që mund të kalojë te Chelsea (Foto)

Dortmundi shpreson që më ndihmën e sulmuesit nga Gaboni të sigurojë kualifikimin në Ligën e Kampionëve për sezonin e ardhshëm.

Ndryshe, kartoni i lojtarit të Dortmundit vlerësohet të paktën 70 milionë euro. /Telegrafi/