Dodik nuk “bëhej rehat” ndërsa në sallë u intonua himni i Bosnje dhe Hercegovinës

Një pritje ceremoniale për zyrtarë të nivelit të lartë nga jeta politike dhe shoqërore në Bosnjë dhe Hercegovinë është mbajtur në Sarajevë.

Sipas mediave në Bosnjë dhe Hercegovinë, përcjell Telegrafi, pritësi ishte ambasadori rus Petar Ivancov, dhe anëtari i presidencës Milorad Dodik ishte në mesin e të ftuarve.

Siç diktojnë zakonet, kur festojnë festat kombëtare jashtë vendit, ambasadorë, ose organizatorë të ahengut, intonojnë himnet e vendit pritës dhe vendit që ka organizuar “festën”.

Kështu, në këtë rast, u intonuan himni i BeH dhe himni i Federatës Ruse.

Ceremonia, e cila u mbajt në Sarajevë në Hotel Evropa, u hap në këtë mënyrë, dhe një fotoreporter i Klix.ba regjistroi disa pamje që përshkruanin atmosferën në sallën e ceremonisë.

Por çfarë ka rënë në sy gjatë intonimit të himnit të Bosnjë dhe Hercegovinës, Milorad Dodik, i cili nuk mund të qëndronte i qetë.

Ndryshe, Dodik njihet për qasjen e tij “anti-Bosnjë”.

Vetëm pak ditë më parë, anëtari serb i Presidencës së Bosnje dhe Hercegovinës, ka thënë se nuk do të ketë BeH deri në verën e vitit të ardhshëm nëse nuk rikthehet pozicioni i Dejtonit.

Ai ka porositur që Republika Srpska ka marrë rrugën e daljes nga BeH, rrugë kjo nga e cila sipas tij nuk ka kthim mbrapa. /Telegrafi/