Djersitja është dukuri shumë më e ndërlikuar seç mendoni

Do të ishte dashur t’i kushtonim më shumë kujdes djersitjes sonë dhe kjo me siguri ka arsye

Nuk dëshirojmë kur disa herë fytyra të na jetë aq e lagësht sa që fare të mos mund të qesim grim, posaçërisht verës, apo kur këmisha e bardhë vazhdimisht na është plot gjurmë grimi, i cili shkrihet nga fytyra apo kur kemi veshur gabimisht këmishë një ngjyrëshe në të cilën shihen njollat e mërzitshme nën sqetulla.

Djersitja funksionon si sistem i ftohjes së trupit tonë. Kur ngrihet temperatura e trupit, sistemi ynë nervor u jep gjëndrave dritën e gjelbër, ato fillojnë fuqishëm të punojnë, ndërkohë shfaqet lagështia në lëkurën tonë, edhe pse neve na duket jo mjaft shpejt, ajo avullohet dhe kështu na flladit, transmeton Telegrafi.

Këto janë 8 problemet shëndetësore të cilat trupi përpiqet t’jua sinjalizojë:

1. Stresi shkakton djersitje të tepërt

Stresi dhe ankthi jo vetëm që ndikojnë negativisht në trupin tuaj, por edhe manifestohen në formën e djersës. Ky lloj djerse është gjithashtu shumë e dëmshme, sepse përmban yndyrë dhe proteina të përziera me bakteret e lëkurës.

2. Një problem me tiroidet (hyperthyroidism)

Hyperthyroidism (Hipertiroidizmi) është një gjendje në të cilën gjëndra tiroide bëhet “hiperaktive” dhe fillon të prodhojë shumë hormone nga tiroidet. Kur kjo ndodh, proceset në trup rriten dhe në mesin e shumë simptomave, ju mund të ndjeni veten të nervozuar ose të shqetësuar dhe mund të përjetoni humbje peshe dhe djersitje të tepruar. Kjo mund të jetë një shenjë për të shkuar tek mjeku për të marrë mjekim për tiroiden.

3. Sheqeri i ulët në gjak (hipoglikemia)

Megjithëse djersitja e tepruar mund të shkaktohet nga gjëra të ndryshme, ndonjëherë mund të shkaktohet nga hipoglikemia, e cila është një nivel i ulët i sheqerit në gjak.

Djersitja e tillë vjen pa marrë parasysh se sa mund të jetë temperatura në dhomë apo jashtë. Së bashku me këtë shenjë, një person me nivel të ulët të sheqerit në gjak mund të përjetojë gjithashtu uri, ankth, marrje mendsh, kokëfortësi dhe probleme me shikimin.

4. Djersitja e tepërt (Hyperhidrosis)

Djersitja e tepërt në vetëm një zonë në trup si qafën tuaj, sqetulla, pëllëmbë ose thembrat e këmbës quhet hyperhidrosis. Këto zona janë prekur më së shumti për shkak të përqendrimit të lartë të gjëndrave të djersës.

Nuk është kërcënuese për jetën, por është e sikletshme dhe mund të shkaktojë siklet. Hyperhidrosis nganjëherë pasohet nga probleme të lëkurës, të cilën e bën irrituese dhe shkakton dhimbje dhe ankth. Nëse vini re njollat e djersës në këmishën tuaj, rreth sqetullave ose nëse pëllëmbët tuaja janë gjithmonë të lagura, është më mirë të konsultoheni me mjekun. Për fat të mirë, ka mënyra që mund të zvogëlojnë këtë lloj djersitje.

5. Efektet anësore të ilaçeve

Djersitja e tepërt mund të shkaktohet edhe nga një ilaç që mund të merrni. Nuk ka asgjë për t’u frikësuar – djersitja është një efekt i përbashkët anësor i një shumëllojshmëri medikamentesh si antibiotikët, ilaçet e presionit të gjakut dhe medikamentet psikiatrike.

Ju mund të gjeni informacione rreth efekteve anësore në shënimet brenda produktit që keni marrë në farmaci.

6. Menopauza

Gjatë menopauzës kaloni një si nxehtësi të fortë në gjoks që vazhdon deri në kokën tuaj duke u shoqëruar me djersë të tepruar. Kjo ndodh për shkak se po vjen menopauza.

Djersitja, mosfunksionimi i ciklit menstrual, migrena, nxehtësia e trupit dhe dridhjet ndodhin si rezultat i ndryshimit te niveleve te estrogjenit.

7. Ethe pa shkak

Ethet pa një origjinë të caktuar së bashku me një temperaturë 38 gradë Celcius. Ekzistojnë 4 lloje të etheve (FUO): klasike (ndikon në njerëzit e shëndetshëm), nozokomiale (si rezultat i shtrimit në spital), mungesë imuniteti (ndodh tek njerëzit me sistem imun të pakët) dhe HIV-të.

Simptomat tipike të etheve përfshijnë një temperaturë të lartë, djersitje, të dridhura dhe dhimbje koke. Nëse vuani nga këto, duhet të konsultoheni me mjekun tuaj.

8. Jeni të shëndoshë

Shëndeti i tepërt është një çrregullim i karakterizuar nga prania e një sasie të madhe të yndyrës trupore. Gjenetika, pasiviteti, dieta jo e mirë, zakonet e të ngrënit, medikamente të caktuara dhe mungesa e gjumit mund të shkaktojnë shëndet të tepërt dhe mund të çojnë në probleme të mëtejshme shëndetësore.

Shëndoshja shkakton hyperhidrosis dytësore dhe e bën jetën të pakëndshme. /Telegrafi/