Djali 11 vjeçar i Ronaldos e lut babanë e tij të mos pensionohet, në mënyrë që të luajë me të kur të rritet

Djali i madh i Cristiano Ronaldos e ka lutur babanë e tij të mos pensionohet, sepse dëshiron të luajë bashkë me të në fushë.

Superylli portugez i ka mbushur 37 vjet në muajin e kaluar, ndërsa shumëkush po sugjeron se edhe sulmuesin e Manchester Unitedit e ka arritur mosha dhe se nuk e ka më potencialin e duhur për nivelet e larta të futbollit.

Megjithatë, CR7 gjithmonë ka thënë se planifikon të luajë edhe pas moshës 40 vjeçare dhe këtë e kishte përsëritur gjatë këtij viti.

View this post on Instagram

A post shared by Georgina Rodríguez (@georginagio)

Porse për të bërë të lumtur djalin e tij 11 vjeçar, ai mund të vazhdojë të luajë për një kohë shumë më të gjatë.

Lexo po ashtu Djali i Cristiano Ronaldos nënshkroi për Manchester United, ai mori fanellën me numrin 7

Cristiano Jr po tregohet një lojtar premtues duke filluar të jepte shenja që nga Akademia e Juventusit, ndërsa gjatë këtij muaji nënshkroi për t’u bërë pjesë e Akademisë së të rinjve të Manchester Unitedit.

View this post on Instagram

A post shared by Cristiano Ronaldo (@cristiano)

“Djali im më thotë: ‘Babi, qëndro edhe disa vite – dua të luaj me ty”, citon The Sun fjalët e Ronaldos, i cili në janar kishte publikuar fotografi të përbashkëta me djalin duke u stërvitur me përshkrimin: “E tashmja dhe e ardhmja”. /Telegrafi/