Në nder të Ditës së Tokës, në Vushtrri janë mbjellur 200 drunj dekorativ dhe pisha në shëtitoren “Enver Zymeri”.
Në këtë aktivitet morën pjesë nënkryetarja e Komunës së Vushtrrisë, Hava Mlinaku, zëvendësministri i Mjedisit, Planifikimit Hapësinor dhe Infrastrukturës, Jeton Raka, dhe drejtorët e drejtorive komunale.
Bëhet e ditur se në oborrin e Komunës së Vushtrrisë është bërë mbjellja e luleve dhe pishave dekorative, shkruan Telegrafi.
“Pjesë e aktiviteteve për shënimin e Ditës së Tokës ka qenë edhe ekspozita me piktura e realizuar nga nxënësit e tri shkollave në Vushtrri, me temën ‘Tokën e dua të pastër’”, thuhet n♪ njoftim.
Aktivitetet për shënimin e Ditës së Tokës janë organizuar nga Drejtoria e Administratë, në bashkëpunim me Drejtorinë për Shërbime Publike dhe Drejtorinë për Arsim. /Telegrafi/
