Digjet dhe fundoset një jaht në Turqi – disa turistë u hodhën në ujë, të paktën 17 pësuan lëndime

Më shumë se 17 persona prej rreth 100 turistëve kanë pësuar lëndime në bordin e një anije turistike në brigjet e resortit turk të Marmaris, ku tre prej tyre janë në gjendje të rëndë.

Zjarri në anijen turistike Eagles shkaktoi evakuimin e 96 pasagjerëve dhe gjashtë anëtarëve të ekuipazhit. Nga 17 të plagosurit, 14 pësuan lëndime të lehta, ndërsa tre shumë rëndë.

Zjarri, i cili filloi në anijen prej druri prej njëzet metrash për arsye ende të panjohura, dërgoi në shtrimin në spital të tre personave.

Yacht carrying tourists caught fire in Marmaris, Turkey

There were 110 people on board. Some people jumped into the water, while others ran to the other boats. The yacht sank. pic.twitter.com/SDB35LYf5a

— NEXTA (@nexta_tv) July 19, 2024

Disa turistë të huaj u hodhën nga anija që digjej, ndërsa të tjerë u shpëtuan nga ekuipazhet e jahteve, anijeve dhe rojeve bregdetare aty pranë.

Fatkeqësisht, anija u mbyt përfundimisht si pasojë e zjarrit, raportojnë mediat turke.

Turqia ka nisur hetime rreth incidentit për të përcaktuar shkaqet e zjarrit dhe për të vlerësuar çdo gabim të mundshëm në protokollet e sigurisë ose pajisjet në bordin e anijes.

Hetimi synon të zbulojë rrethanat e zjarrit, të konstatojë përgjegjësinë dhe potencialisht të zbatojë masa më të rrepta sigurie për të parandaluar incidente të ngjashme në të ardhmen. /Telegrafi/