Dieta e Agjërimit

Ushqimi i shëndetshëm parandalon mjaft probleme shëndetësore që mund të ndodhin gjatë agjërimit. Ne kemi përgatitur një listë të ushqimeve dhe disa këshilla që agjërimin ta keni më të lehtë dhe të qëndroni të shëndetshëm.

MA.Ing. Laura Binxhija Qeska
PhD Kandidate në Bioteknologji
Fitoterapeute dhe Dietologe
Tel. 044 514 111
email: info@fuqiaebimeve.com
www.fuqiaebimeve.com
Fitoterapia në Facebook

Islami lejon myslimanët të konsumojnë pothuajse të gjitha llojet e ushqimeve të shëndetshme, përveç mishit të derrit dhe produkteve që përmbajnë alkool. Kjo është gjë e mirë për shëndetin, sepse mundëson shumëllojshmëri dhe pasuri për pjatën e individit i cili agjëron.

Faktet shkencore tregojnë se agjërimi mund të përmirësojë shëndetin e individit, në qoftë se përcillet me dietë të balancuar, të përshtatshme e cila plotëson nevojat e organizmit me sasi të duhura të karbohidrateve, yndyrave, proteinave dhe lëngjeve. Në rastet tjera kur ushqimi është i mangët dhe mungojnë nutrientët (lëndët ushqimore) vjen deri te përkeqësimi i shëndetit.

Faktori kryesor për të qëndruar të shëndetshëm gjatë periudhës së agjërimit është lloji i ushqimit që konsumojmë. Duhet të kemi kujdes që gjatë periudhës kur lejohet konsumimi i ushqimit të mos ndodh mbingrënia dhe futja e ushqimeve të gabuara, e cila jo vetëm që i bën dëm organizmit, por ndikon në shtim të peshës, paraqitjes së sëmundjeve si edhe ndikon në gjendjen shpirtërore të individit.

Çka ndodh me organizmin gjatë agjërimit? Është e rëndësishme të dihet se trupi hynë në gjendje agjërimi afërsisht pas tetë ore nga racioni i fundit, do të thotë se besimtarët agjërojnë rreth 16 orë, atëherë kur harxhohen vlerat ushqyese. Pas kësaj trupi shfrytëzon glukozën si burim energjie, më pas zbërthimin e yndyrave dhe pas disa ditëve në mungesë të burimeve tjera përdor proteinat nga muskujt si burim energjie gjë që është tejet e pashëndetshme dhe me pasoja shëndetësore.

Për këtë arsye, preferohet që gjatë këtyre dy vakteve kryesore iftarit dhe syfyrit të konsumohet dieta e balancuar e pasur me përbërësit ushqimorë siç janë: makronutrientët – karbohidratet, yndyrat e shëndetshme, proteinat dhe lëngjet, poashtu dhe mikronutrientët – vitaminat dhe kripërat minerale për të plotësuar rezervat e energjisë në mënyrë që trupi të shfrytëzojë nga glukoza dhe yndyrat energjinë duke e parandaluar shfrytëzimin e energjisë nga proteinat.

Gjithashtu me anë të planit dietal të shëndetshëm ndodh edhe detoksikimi (largimi i toksinave) si një ndër proceset më të rëndësishme të organizmit.

Si alternative e ngrënies rekomandohet dietë e balancuar e cila e mban individin të shëndetshëm dhe energjik gjatë agjërimit.

Ne kemi përgatitur një listë të ushqimeve dhe disa këshilla për t’ju ndihmuar gjatë agjërimit, që ta keni më të lehtë dhe të qëndroni të shëndetshëm.

Për personat që agjërojnë rekomandohen dy vakte të mëdha dhe dy mes vakte të vogla, të cilat duhet të përmbajnë të gjitha grupet e ushqimit në masë të caktuar të pasur me vlera ushqyese.

Ju këshillojmë të konsumoni mish në masë, kufizim i qumështit dhe djathërave, rekomandohet gjizë dhe kos shtëpie, konsumimi optimal i ushqimit me fibra, shumë perime, fruta në masë, shumë pak brumëra, ëmbëlsira dhe bukë, sepse kanë shkallë të lartë glikemie dhe si pasoj ndikojnë në shtimin në peshë, çrregullojnë sistemin metabolik dhe japin etje, uri, nevojë për vakte më të shpeshta dhe lodhje.

Gjatë iftarit, rekomandohet të konsumohen pije sipas zgjedhjes tuaj si: ujë me lëngë limoni për ta ruajtur ekuilibrin e pH-së, lëngje të kombinuara nga frutat dhe perimet sezonale, çajëra nga bimët, supa me perime, sallata perimesh sipas shijes, mishi i bardhë këshillohet të konsumohet më shpesh, sepse është më i tretshëm.

Mishi përbënë burim të mirë të proteinave dhe hekurit, vitaminave B, B12, konsumoni 2 deri 3 herë në javë, arsyeja pse duhet konsumuar pak mish qëndron në vështirësinë e tretjes, shembull për t’u tretur një file mish viçi nevojiten rreth 5 orë.

Nuk rekomandohen mishrat e përpunuar dhe ushqimet e konservuara si: sallamet dhe salsiçet etj.

Si ëmbëlsirë rekomandohet çokollata e zezë në masë, hurma të mbushura me vaj kokosi dhe arra ose bajame, shalqiri, kumbulla të thata, fiku dhe mjalti organik ka alkalitet shumë të lartë dhe vlerë ushqyese optimale për të plotësuar nevojën për ëmbël.

Këto janë pjata të shëndetshme dhe me vlera kalorike të ulëta kur konsumohen në masë.

Syfyri duhet të jetë i shëndetshëm, i cili do të ofrojë energji gjatë ditës, gjithashtu këshillohet të jetë i lehtë për tretje.

Rekomandohen sallatat me perime të freskëta sezonale sepse kanë më shumë vitamina dhe kripëra minerale se sa sallatat me perime të ziera.

Si burim proteinash mund të zgjidhni vezët dhe perimet me përbërje të proteinave.

Po ashtu dhe supat me perime si: supat me thjerrëza,qepë, selino, karota, bishtaja, brokoli, kungull, lakra dhe domate, me lëngë nga kockat e viçit ose pulës si: gjurin, nyjet, brinjët, pjesët e qafës, bushtit kurrizorë ishtoni pak uthull të mollës, kjo do t’ju ndihmoj që toksinat të nxirren nga kockat, zihen mirë, shtohen perimet dhe erëzat nga bimët, Supa me kocka dhe perime është sidomos e lehtë tek individët me probleme digjestive, zorrë të ndjeshme dhe vuajtjet, ankesat e stomakut.

Çajërat nga bimët freskojnë, hidratojnë organizmin, kanë efekt revitalizues, gjithashtu reduktojnë urinë dhe mundësinë për mbingrënie.

Këshilla:

Kufizoni ushqimet që i shtojnë aciditet organizmit gjatë agjërimit siç janë: sheqeri i rafinuar dhe të gjitha produktet e tij, mishi, produktet me origjinë shtazore, qumështi, djathi, kripa e rafinuar, mielli i rafinuar dhe të gjitha produktet e miellit si: torta,biskotat, pastat, buka, pjesa më e madhe përbën yndyra të oksiduara,margarina, kafeina, kafja, caji i zi, të gjitha ushqimet e përpunuara industrialisht, në konserva (kënaqe), që përbëjnë konservues, aditiv, ngjyrues artificial, aroma dhe stabilizatorë.

Këta përbërës ushqimorë, shkaktojnë procese inflamatore në trup, poashtu shkaktojnë një sërë rregullimesh dhe gjendjeve tjera të sëmura.

Pra, i gjithë ushqimi i përmendur e acidifikon gjakun, gjaku pa ndërpre vet rregullohet që mos të bie në aciditetin metabolik, që të sigurojë funksionim të mirë dhe që të optimizoj metabolizmin qelizor.

Ziejini sa më pak ushqimin, si mishin , perimet sepse zierja e shkatërron oksigjenin duke e rritur aciditetin e ushqimit.

Zgjidhni ushqimet e pasura me fibra, frutat dhe perimet sezonale.

Perimet e papërpunuara prodhojnë oksigjen, kurse të zierat nuk prodhojnë.

Frutat prodhojnë mjaftë oksigjen, frutat me mbështjellës të fortë si arrat dhe bajamet janë shumë të shëndetshme.

Bimët të cilat përmbajnë klorofil janë shumë alkaline sidomos ato të gjelbra.

Rekomandohen drithërat integrale, i vetmi drithë alkalin është drithi me kokrra meli i cili nuk përmban gluten. Të gjitha drithërat tjera janë lehtë acidike, natyrisht që disa drithëra duhet t’i konsumojmë si të ziera si mënyrë më e shëndetshme.

Mënyra e gatimit është shumë e rëndësishme për t’i ruajtur vlerat ushqimore, metodat të cilat e denatyrojnë më pak ushqimin janë mënyrat e thjeshta si zierja me avull dhe pjekja kohë shkurtër me qese ose letër kuzhine.

Hidratohuni me ujë, sepse uji është i rëndësishëm për prodhimin e oksigjenit, dehidrimi është tensionimi trupor dhe rrënjë e shumicës së sëmundjeve degjenerative.

Rekomandohet aktivitet fizik, të paktën 40 deri 50 minuta në ditë ecje në natyrë si profilaksa më e mirë ndaj sëmundjeve kardiovaskulare, poashtu muskujt tonifikohen, qarkullimi dhe thithja e oksigjenit përmirësohet, dhe jemi më vital.

Për këshilla dhe plan të detajizuar të ushqimit të shëndetshëm me masë të konsumit, renditje sipas njësive me propozim dhe sasi të artikujve ushqimorë, mund të na vizitoni tek “Fitoterapia” ku mund të merrni këshilla profesionale.

Adresa: Ulpianë Rr. Musine Kokollari, afër ish-Benafit përballë AAK, Prishtinë

/Telegrafi/