LAJMI I FUNDIT:

Dialogu Kosovë-Serbi, Kurti i fton për takim nesër Krasniqin, Abdixhikun e Haradinajn

Dialogu Kosovë-Serbi, Kurti i fton për takim nesër Krasniqin, Abdixhikun e Haradinajn

Kryeministri i Kosovës, Albin Kurti një ditë më parë u bëri thirrje krerëve opozitarë për tu takuar dhe për t’i informuar ata për takimin e fundit që pati në Bruksel për çështjen e dialogut.

Kurti deklaroi se dallimet e mospajtimet politike që kanë mes vete pozitë e opozitë, nuk duhet të tejkalojnë interesin shtetëror.

Ndonëse opozita deklaroi se nuk kanë pranuar ende ftesë për takim, nga Zyra e Kryeministrit kanë bërë të ditur për Telegrafin se ftesat tashmë u janë dërguar.


“Dje u janë dërguar ftesat në formë elektronike, kurse sot fizikisht”, ka thënë për Telegrafin, Përparim Kryeziu, zëdhënësi i Qeverisë.

Kryeziu ka bërë të ditur gjithashtu se Kurti i ka ftuar partitë opozitarë që të takohen nesër.

“Ftesa për takim është për ditën e nesërme, pra të martën”, tha zëdhënësi i Qeverisë.

Dje nga partitë opozitare deklaruan se nuk kanë pranuar ende ftesa për takim dhe se në momentin e pranimit të ftesës do të shqyrtojnë edhe pjesëmarrjen.

Nga AAK-ja dje për Telegrafin deklaruan se nuk kanë pranuar ftesë për takim.

Kurti u bëri thirrje publikisht për takim, opozita thotë se ende s’kanë pranuar ftesë zyrtare
Lexo po ashtu Kurti u bëri thirrje publikisht për takim, opozita thotë se ende s’kanë pranuar ftesë zyrtare

“Në moment që kemi ftesë do e shqyrtojmë pjesëmarrjen dhe do të dalim me përgjigje”, deklaroi, zëdhënësi i AAK-së, Lulëzim Blaka.

Ftesë për takim u tha se nuk kanë pranuar as në Partinë Demokratike të Kosovës, kurse nga LDK-ja nuk iu përgjigjen pyetjeve të Telegrafit.

Ndryshe, nënkryetari i LDK-së, Lutfi Haziri e ka theksuar nevojë urgjente që të zhvillohet një dialog i brendshëm pozitë-opozitë.

Përmes një postimi në llogarinë e tij në Facebook, Haziri ka theksuar se përafrimi i qëndrimeve të SHBA-së dhe BE-së për marrëveshjen finale Kosovë-Serbi, ka krijuar një momentum të ri për procesin i cili duhet të kapitalizohet.

Kosova dhe Serbia më 27 gusht kanë arritur marrëveshje për heqjen dorë nga lëshimi i dokumenteve për hyrje-dalje për shtetasit e dy shteteve.

Kjo marrëveshje nënkupton se qytetarët e Serbisë dhe ata të Kosovës, do të mund të kalojnë kufirin me kartat e tyre të identitetit, pa pasur nevojë që të pajisen me një letër shtesë të hyrje-daljes.

Këtë praktikë Serbia e kishte aplikuar qe 11 vjet, ndërkaq Kosova lëshoi dokumente të tilla për disa orë gjatë 1 gushtit.

Ndërkaq, më 1 shtator pritet të hyjë në fuqi vendimi i Qeverisë së Kosovës për targat e makinave. Ky vendim konsiston në riregjistrimin e makinave që përdorin targa të lëshuara nga Serbia. /Telegrafi/

Në trend Lajme

Më shumë
Vogel: Trump nuk e ka dialogun në prioritetet e tij, shkëmbimi i territoreve mund të kthehet në tavolinë

Vogel: Trump nuk e ka dialogun në prioritetet e tij, shkëmbimi i territoreve mund të kthehet në tavolinë

Lajme
Pamje nga burgu, Ilir Meta ecën në ambientet e ajrosjes

Pamje nga burgu, Ilir Meta ecën në ambientet e ajrosjes

Lajme
Ekspertët e sigurisë: Shtimi i forcave ndërkombëtare, reagim ndaj destabilizimit të mundshëm nga Serbia

Ekspertët e sigurisë: Shtimi i forcave ndërkombëtare, reagim ndaj destabilizimit të mundshëm nga Serbia

Siguri
Del duarsh protesta në Tiranë, Adriatik Lapaj përplaset me

Del duarsh protesta në Tiranë, Adriatik Lapaj përplaset me "Lëvizjen Bashkë" të Arlind Qorrit

Lajme
Skandaloze: Turistët nga Vlora i detyrojnë të ecin me orë të tëra për të arritur te pistat e skijimit në Brezovicë

Skandaloze: Turistët nga Vlora i detyrojnë të ecin me orë të tëra për të arritur te pistat e skijimit në Brezovicë

Lajme
Doli nga shtëpia fshehurazi prindërve dhe festoi me miqtë, pas 6 ditësh në koma, ndërron jetë 13-vjeçarja shqiptare pas aksidentit në Itali

Doli nga shtëpia fshehurazi prindërve dhe festoi me miqtë, pas 6 ditësh në koma, ndërron jetë 13-vjeçarja shqiptare pas aksidentit në Itali

Lajme
Kalo në kategori