Di Francesco: Do t’i ndryshojmë statistikat ndaj Portos

Trajneri i Romës, Eusebio Di Francesco, ka thënë se është i entuziazmuar që skuadra e tij do të luajë kundër Portos në Ligën e Kampionëve, edhe pse nuk kanë rekord të mirë kundër ekipit portugez.

Shorti i të hënës i ka nxjerrë Giallorossët përballë portugezëve në fazën e 1/8 së finales në garën më të madhe evropiane për klube.

Dhe pas shortit, trajneri i ka dhënë opinionet e tij në një prononcim për faqen zyrtare të klubit.

Lexo po ashtu Lajmet për ROMËN

“Kthimi në fazën e eliminimit direkt në Ligën e Kampionëve është një tjetër çast gëzimi për këtë klub”.

“Shorti në Nyon ka zgjedhur që ne të luajmë ndaj Portos që ka fituar më së shumti pikë në fazën grupore se kushdo tjetër dhe aktualisht është në krye të ligës vendore”.

“E di se takimet e të kaluarës ndërmjet këtyre dy klubeve nuk japin të dhëna të mira për ne, mirëpo gjatë këtyre dy ndeshjeve, do të përpiqemi që t’i ndryshojmë ato statistika”, ka deklaruar Di Francesco.

Ndeshjet e para të 1/8 së finales do të zhvillohen më 12 dhe 13 shkurt 2019. /Telegrafi/