Dhjetë të vdekur, përfshirë pesë fëmijë – pasi një zjarr përfshiu një apartament pranë qytetit Lyon të Francës

Dhjetë persona, përfshirë pesë fëmijë, thuhet se kanë gjetur vdekjen pasi një zjarr shpërtheu të premten në mëngjes në një ndërtesë banimi në Vaulx-en-Velin, pranë qytetit francez të Lyon.

Sipas mediave të huaja, përcjell Telegrafi, autoriteti lokal për rajonin e Lyon/Rhone tha se zjarri u raportua fillimisht te shërbimet e urgjencës në orën 3:12 të mëngjesit dhe në orën 3:25 të mëngjesit rreth 170 zjarrfikës dhe 65 kamionë zjarrfikës ishin në vendngjarje.

💬 "C'est un choc, j'ai les jambes qui tremblent"

Un témoin de l'incendie à Vaulx-en-Velin témoigne sur @BFMTV pic.twitter.com/r4H9hae1AW

— BFMTV (@BFMTV) December 16, 2022

Shërbimet e urgjencës raportuan se zjarri shpërtheu në një bllok apartamentesh shtatëkatëshe në lagjen Mas du Taureau.

Un violent incendie s’est déclaré cette nuit à Vaulx-en-Velin. Le bilan provisoire fait froid dans le dos.
Je me suis entretenu avec @HeleneGeoffroy pour l’assurer du soutien de l’Etat.
Je me rends sur place dès ce matin pour être aux côtés des habitants, des élus et des secours. pic.twitter.com/7tVPF8t5tZ

— Olivier Klein (@OlivierKlein93) December 16, 2022

Katër persona të tjerë janë në gjendje kritike, ndërsa 10 të tjerë, përfshirë dy zjarrfikës, janë lënduar.

https://twitter.com/InfoEmerg/status/1603642855922323457?s=20&t=69SzgA1lndGy-xc1iDNtcg

Autoritetet thanë se shkaku i zjarrit nuk dihet në këtë fazë.

Bilan définitif de l’incendie d’un immeuble #VaulxenVelin avec 10 morts dont 5 enfants et de nombreux blessés via @lyonmag pic.twitter.com/7RFyepAN7A

— LesNews (@LesNews) December 16, 2022

Ministri francez i strehimit, Olivier Klein, tha se kishte folur me kryebashkiaken e Vaulx-en-Velin, Hélène Geoffroy dhe do të vizitonte qytetin.

“Unë do të shkoj atje këtë mëngjes për të qenë përkrah banorëve, zyrtarëve lokalë dhe shërbimeve të urgjencës”, shkroi ai në Twitter.

Një fqinj, i cili tha se jeton vetëm 100 metra larg ndërtesës ku shpërtheu zjarri ka thënë: “Dëgjuam britma, ulërima të fëmijëve. Kur hapëm dritaret, pamë tym që dilte dhe [kështu që zbritëm menjëherë poshtë”, tha ai.

Burri, i identifikuar vetëm si Sarem, tha se fqinjët mbërritën në vendngjarje me një shkallë dhe ndihmuan në evakuimin e njerëzve që jetonin në katin e parë. /Telegrafi/