Dezinformimi, në rrjetet sociale po shpërndahet në masë të madhe videoja e rrejshme – pretendohet se shfaq sulmin mbi anijen amerikane

Një video e vjetër e një anijeje mallrash është bërë virale në X, dikur Twitter, duke pretenduar në mënyrë të rreme se tregon pamjet e sulmit të sotëm me raketa nga Houthi në një anije në pronësi të SHBA në brigjet e Jemenit.

Videoja ka mbledhur më shumë se tre milionë shikime në X, pasi është shpërndarë nga profile të shumta me ndjekës të shumtë, transmeton Telegrafi.

“Lufta globale: Anija mallrash amerikane e goditur nga raketa pranë bregut të Jemenit”, postoi një përdorues X, së bashku me një pamje ajrore të një anijeje të madhe mallrash të përfshirë nga flakët.

Lexo po ashtu Houthi merr përgjegjësinë për sulmin ndaj anijes amerikane

BBC kontrolloi videon dhe gjeti pamjet origjinale, të cilat në fakt datojnë nga viti 2021 dhe tregojnë një anije mallrash në Singapor në brigjet e Shri Lankës, e cila mori flakë pasi një pjesë e materialit kimik në bord shpërtheu.

Më pas mediat raportuan gjerësisht për ngjarjen. Incidenti u raportua gjerësisht nga BBC dhe agjencitë e tjera të lajmeve në atë kohë.

Pavarësisht përpjekjeve të Marinës së Shri Lankës për të kontrolluar zjarrin, anija përfundimisht u fundos pasi u dogj për 12 ditë. /Telegrafi/

https://twitter.com/simonateba/status/1746917390548337150