Dëshmitari në gjyqin e vrasjes së Khashoggit: Ai u kërcënua nga ish-këshilltari i princit Bin Salman

Një dëshmitar në një gjykatë turke tha sot se gazetari i vrarë saudit, Jamal Khashoggi mori kërcënime nga një ish-këshilltar i princit saudit, Princi i Kurorës, Mohammed bin Salman.

Khashoggi u kërcënua nga Saud al-Kahtani, një dëshmitar tha në gjyqin e dytë për 26 të dyshuar në një gjykatë në Stamboll, tha Christian Mihr i organizatës për lirinë e medias – Reporterët pa Kufij (RSF).

“Khashoggi foli në lidhje me një bisedë telefonike me Kahtani ndërsa jetonte në Uashington, duke thënë se e di se ku jeton Khashoggi me fëmijët e tij,” shkroi Drejtori i Fushatës Ndërkombëtare të RSF, Rebecca Vincent në Twitter. Gjyqi i 26 të dyshuarve në mungesë do të rinisë në 4 mars, transmeton Telegrafi.

Noor said Khashoggi had reported being threatened by Saud al-Qahtani since 2016. Khashoggi spoke of a phone call from Qahtani when he was living in Washington DC, saying he knew his kids & where they lived. Noor said Khashoggi was crying, which was unusual, and said he was afraid

— Rebecca Vincent (@rebecca_vincent) November 24, 2020

Kujtojmë, Khashoggi u vra në vitin 2018 pasi hyri në konsullatën Saudite në Stamboll për të marrë letrat e dasmës me të fejuarën e tij turke, Hatice Cengiz. Ajo po e priste para ndërtesës.

Zyrtarët turq besojnë se Khashoggi u vra nga mercenarë sauditë dhe se trupi i tij u copëtua dhe u tërhoq nga konsullata. Eshtrat e kolumnistit të Washington Post, një kritik i ashpër i trashëgimtarit saudit të fronit, nuk janë gjetur kurrë.

Seanca e parë në gjyqin në Stamboll filloi në korrik, fillimisht kundër 20 sauditëve. Midis tyre ishin Kahtani dhe Ahmed al-Asiri, një ish-nënkryetar i inteligjencës Saudite. /Telegrafi/