Deschmaps kritikon rikthimin e Bundesligas, La Ligas dhe Ligës Premier

Trajneri i Francës, Didier Deschamps ka kritikuar kthimin e futbollit të Bundesliga, La Liga, Ligën Premier në mesin e pandemisë së coronavirusit.

Bundesliga gjermane u bë ligë e parë e madhe që u kthye në fillim të këtij muaji, ndërsa qeveria spanjolle ka dhënë dritën jeshile për ndeshjet e La Ligës që të kthehen nga 8 qershor, ashtu sikurse edhe Liga Premier që gjithashtu shpreson për një rifillim gjatë qershorit.

Trajneri fitues i Kupës së Botës me Francën, Deschamps, tani ka kritikuar këto plane dhe beson se vendimi është marrë thjesht për përfitime financiare.

Lexo po ashtu Më në fund vjen konfirmimi zyrtar nga Javier Tebas, La Liga rikthehet në qershor – rifillon me një derbi

“Nuk dua të gjykoj, të dënoj, të fajësoj. Kushtet e kontrollit nuk janë të njëjta për të gjithë”, ka thënë fillimisht Deschamps për Le Parisien.

“E kam shikuar Bundesligën që nga rifillimi i ndeshjeve në Gjermani. Sigurisht që duket si futboll. Nuk do të flas për ritmin ose intensitetin e ndeshjeve, por disa imazhe më duken shumë të parregullta për mua”.

“Unë shoh lojtarë që luajnë një lojë me të gjithë elementët specifikë të futbollit: domethënë kontakti dhe pengesat. Dhe pastaj, shohim zëvendësuesit të maskuar në tribuna dy metra larg njëri-tjetrit”.

“Sinqerisht, nuk e kuptoj. Ata stërvitin në të njëjtin vend. Çfarë mospërputhjeje. Nuk me pëlqen”.

Lexo po ashtu Të gjitha klubet e Ligës Premier votojnë në favor të rifillimit të stërvitjeve në grupe të plota

“Në futboll, rifillimi i ligave të caktuara padyshim i përgjigjet, para së gjithash, një problemi ekonomik”.

“Shikoni vendimet e marra në Spanjë dhe Angli. Këto dy vende kryesore të futbollit po planifikojnë rifillimin e La Ligës dhe Ligës Premier, por ata kanë vendosur të mos rifillojnë kampionatet e femrave, të cilat gjenerojnë shumë më pak të ardhura. Kjo thotë gjithçka”, përfundoi francezi. /Telegrafi/