Deschamps: Jam krenar me lojtarët e mi, treguam karakter dhe jemi në çerekfinale

Didier Deschamp ka folur pas fitores së Francës ndaj Argjentinës në 1/8-tën e Kupës së Botës “Rusia 2018”.

Franca është çerekfinalisti i parë pas fitores 4-2 ndaj Argjentinës dhe kjo fitore dhe kjo arritje e ka bërë të lumtur trajneri francez, Deschamps.

“Nëse unë jam trajner është sepse dua ta jetoj këtë: me stadiume të mbushura dhe me ekipe me eksperiencë shumë të madhe. Ekipi ynë është shumë më i ri, por është në çerekfinale”, ka thënë fillimisht Deschamps pas ndeshjes.

Lexo po ashtu Franca në çerekfinale të Kupës së Botës pas fitores dramatike ndaj Argjentinës

“Ne iu përgjigjëm thirrjes, kemi shumë karakter dhe nuk ishte e lehtë edhe pse ne ishim duke udhëhequr. Pasi u barazua ndeshja dhe dolëm në disavantazh 2-1, ne vazhduam të luftonim”.

“Ekziston një mentalitet i shkëlqyer në këtë grup dhe ne bëmë gjithçka për të shkuar më tej”.

“Unë jam përgjegjës për gjithçka, veçanërisht kur nuk shkon mirë unë jam shumë krenar. Jam shumë i lumtur për ta sepse ata janë duke përgatitur veten për javë dhe muaj të tërë”.

“Nuk kam frikë nga asgjë, është sikur në karrierën time të parë (si lojtar): për sa kohë që një gjyqtar nuk i bie bilbilit, çdo gjë mund të ndodhë”.

Lexo po ashtu Francë 4-3 Argjentinë, notat e lojtarëve

“Kur Argjentina shënoi golin e dytë, ishte një goditje. Ne mund të kishim barazuar më shpejt me Antoine, por nuk kisha frikë”.

“Për aq sa ju keni kohë, edhe nëse keni një ekip me përvojë para jush, unë e di se ekipi i Francës është gati të përballet me të”, përfundoi trajneri francez. /Telegrafi/