Derkoski: Të gjithë pjesëmarrësit në zgjedhje të respektojnë masat për mbrojtje nga COVID-19

Pas nënshkrimit të sotëm të Kodit për Zgjedhje të drejta dhe demokratike, kryetari i Komisionit Shtetëror për Zgjedhje (KSHZ) Oliver Derkoski tha se zgjedhjet e ardhshme në vitin 2020 do të mbahen në një situatë jashtëzakonisht të ndërlikuar, kryesisht për shkak të pandemisë nga COVID-19. Ai njoftoi se në ditët në vijim do të përgatiten protokollet shëndetësore mbi bazën e të cilave KSHZ-ja do të bëjë udhëzimet e votimit, përcjell Telegrafi Maqedoni.

“Një sfidë për të gjithë ne që organizojmë procesin, por edhe për të gjithë ata që marrin pjesë në proces. Shpresoj që të gjithë pjesëmarrësit të marrin përsipër të respektojnë protokollet për mbrojtjen e shëndetit të qytetarëve, dhe ju bëj thirrje qytetarëve që të besojnë në institucionet që ky proces të organizohet në mënyrën më të mirë të mundshme të sigurt, në mënyrë që ata të ushtrojnë të drejtën e tyre të votës. Në fakt, ata janë në përputhje për zgjedhjet e ardhshme në mënyrë që ata të mund të votojnë dhe të vendosin më tej se si do të shkojë situata në vendin tonë”, tha Derkoski.

Në një deklaratë për mediat, Derkoski theksoi se protokollet shëndetësore do të jenë gati në ditët në vijim.

“Duhet të arrij protokolli deri tek KSHZ se si të organizohen ngjarjet që do të thotë votimi, dy ditë, një ditë dhe dita e zgjedhjeve për mbrojtjen e qytetarëve, por edhe të organeve zgjedhore. Ne do t’i përshkruajmë ato në udhëzimet tona, aktet nënligjore, dhe kështu do të përpiqemi t’i mbrojmë qytetarët në mënyrën më të mirë të mundshme. Jam i bindur që do të kemi sukses në këtë, përkundër të gjitha sfidave që kemi”, tha Derkoski./Telegrafi/