Deklarata e Dodik për Serbinë e madhe, reagon ambasadori i SHBA-së në Bosnjë Hercegovinë

Ambasadorit të SHBA në Bosnjë, Michael Murphy, ka reaguar lidhur deklaratën e kreut të Republikës Srpska, Millorad Dodik, i cili tha se “serbët duhet ta kenë një shtet të vetëm”, pjesë të së cilit, sipas tij, duhet të jenë edhe Kosova, Mali i Zi dhe Bosnje Hercegovina.

Përmes një komunikate për mediat, kryediplomati amerikan shprehet se SHBA-ja nuk do të qëndrojë duarkryq ndërsa Dodik dhe miqtë e tij politikë përpiqen të copëtojnë strukturën e BiH, të destabilizojnë vendin dhe rajonin dhe të pengojnë përparimin e vendit drejt BE-së.

Lexo po ashtu Kërcënimi i Dodik ndaj Bosnjës, Kosovës dhe Malit të Zi, Rama i bën thirrje BE-së të reagojë

Milorad Dodik, Presidenti i entitetit të Republika Srpska (RS) të Bosnjës “po bllokon qeverinë, kërcënon paqen dhe kërkon të shantazhojë ose ngacmojë liderët e tjerë politikë të vendit dhe komunitetin ndërkombëtar”, tha ambasadori i SHBA në Bosnje Michael Murphy në një deklaratë për mediat të martën.

“Ne jemi të vendosur të mbrojmë sovranitetin, integritetin territorial dhe karakterin multietnik të Bosnje dhe Hercegovinës”, shtoi ai më tej.