Debutimi i hidhur i skuadrave në finalen e Ligës së Kampionëve – vëtëm njëra e fiton në 30 vitet e fundit

Chelsea ka fituar për herë të dytë në histori të klubit trofeun më të çmueshëm evropian për klube, Ligën e Kampionëve.

Për klubin londinez kjo ishte finalja e tretë, teksa ka fituar dy, derisa Manchester City ishte debutues në finale dhe e humbi atë.

Por në përgjithësi skuadrat debutuese në finale të Ligës së Kampionëve në 30 vitet e fundit nuk kanë arritur ta fitojnë trofeun.

Në vitin 1992 skuadra italiane Sampdoria arriti për herë të parë në finale, por që u mposht nga Barcelona pas vazhdimeve.

Përjashtim bën vetëm Borussia Dortmund e cila si debutuese në vitin 1997 arriti ta mposhtë ekipin që ka humbur më së shumti finale në hisotir të kësaj gare, Juventusin.

Tri vite më vonë, Valencia luan në finalen e madhe të Ligës së Kampionëve, për herë të parë në histori të klubit dhe pëson humbje nga Real Madridi me rezultat 3-0.

Në vitin 2002 i erdhi radha për të debutuar në finale Bayer Leverkusenit, por edhe klubi gjerman u mposhtë nga Real Madridi në finale 2-1.

Dy vite më vonë Porto dhe Monaco luajtën në finale, me klubin francez që ishte debutues dhe e humbi me rezultat të thellë 3-0.

Arsenali debutoi në vitin 2006 në finalen e Ligës së Kampionëve, por edhe Topçinjtë u mposhtën 2-1 nga Barcelona.

Radha për debutim në një finale të ‘Championsit’ i erdhi Chelseat në vitin 2008, por londinezët pësuan humbje pas ekzekutimit të penalltive nga Manchester United.

Që nga ajo kohë deri në vitin 2019 më nuk pati skuadra debutuese në finale.

Tottenham Hotspur u mposhtë në vitin 2019 nga Liverpool, PSG në vitin 2020 nga Bayern dhe Manchester City nga Chelsea në vitin 2021 si skuadra debutuese në ‘Champions’. /Telegrafi/

Man City are the 🔟th finalist debutant in the last 30 years. #UCLFinal

Sampdoria – 1992
Borussia Dortmund – 1997
Valencia – 2000
Bayer Leverkusen – 2002
Monaco – 2004
Arsenal – 2006
Chelsea – 2008
Tottenham – 2019
PSG – 2020
Man City – 2021 pic.twitter.com/1QcKmJjdHm

— 10bet (@10betSports) May 29, 2021