Debati për ligjet sociale vazhdon nesër në Kuvendin e Maqedonisë së Veriut

Deputetët sot pasdite në seancën e 98-të të Kuvendit të Republikës së Maqedonisë së Veriut diskutuan projektligjet për tatimin mbi vlerën e shtuar, për sigurimin, dhe për sigurimin në rast të papunësisë, të dyja në leximin e parë.

Pas përfundimit të debatit të përgjithshëm mbi projektligjin për sigurimin e punësimit dhe sigurimit në rast të papunësisë në leximin e parë, kryetari i Kuvendit, Talat Xhaferi, ndërpreu punën e seancës dhe shtyu votimin për të nesërmen, sepse, siç tha ai, nuk ka kuorum për shkak të kryerjes së punimeve të shumë komisioneve kuvendare.

“Këtu e ndërpres punën me këtë seancë. Ne do të vazhdojmë të njëjtën nesër në orën 11:00. Pas seancës së 98-të, në të cilën duhet të votohet paketa e ligjeve shoqërore, nesër do të vazhdojmë me seancën e 93-të të Kuvendit të Maqedonisë së Veriut”, tha Xhaferi.

Lidhur me propozim ndryshimet e Ligjit për tatimin mbi vlerën e shtuar, deputetët nga OBRM-PDUKM thanë se do të mbështesin të gjitha zgjidhjet ligjore ku ka ulje të TVSH-së nga 18 në 5 përqind, megjithëse, siç thonë ata, është vetëm për një ulje dhe ajo është për mjekësinë veterinare./Telegrafi/