De Ligt bën një krahasim interesant mes klubeve ku ka qenë dhe Manchester Unitedit, tregon ku ka më shumë presion

Matthijs de Ligt ka pranuar se presioni në Manchester United ka qenë më i madh se çdo gjë që ai është përballur në klubet e mëparshme.

25-vjeçari ka pasur një fillim të përzier të jetës në Old Trafford, me disa paraqitje të forta së bashku me disa momente jo bindëse, por ai po shijon sfidën e të luajturit për një klub kaq të madh.

“Manchester United është një klub vërtet i madh, një klub i mrekullueshëm”.

Lexo po ashtu Publikohet lista e pagave të lojtarëve të Man United - kryesojnë të 'dështuarit'

“Është shumë presion, duhet të them. Unë kam luajtur për disa klube të mëdha dhe presioni është gjithmonë i lartë. Por ndjenja që keni këtu është se presioni është ndoshta në mbarë botën, më i madhi që kam përjetuar deri më tani. Nuk është e lehtë ta trajtosh këtë – veçanërisht për lojtarët e rinj”, tha de Ligt.

Tutje mbrojtësi holandez ka thënë se i pëlqen mënyra se si anglezët e shohin futbollin.

“Kam pasur një përvojë në klube të tjera, kështu që ndoshta në këtë kuptim mund të jetë pak më e lehtë për mua, por imagjinoj se për lojtarët e tjerë mund të jetë pak më e vështirë”.

Lexo po ashtu Matthijs De Ligt humbi kontrollin kur Brentford i shënoi Man Unitedit

“Më pëlqen mënyra se si anglezët e shohin futbollin, më pëlqen mënyra se si ata e shohin mbrojtjen. I ashpër dhe agresiv. Ende i kontrolluar sepse padyshim që nuk mund të jesh shumë i çrregullt. Mundohem të jem sa më mirë që të jetë e mundur dhe ndihem si çdo lojë Shpresoj se skuadra mund të përmirësohet shumë më tepër”, ka thënë Matthijs de Ligt.

Matthijs de Ligt, i cili më parë ka luajtur për Ajax , Bayern Munich dhe Juventus , iu bashkua Manchester United në gusht për një tarifë prej 45 milionë euro. /Telegrafi/