Davis: Zgjedhjet nuk do të ndryshojnë planin e Brexit

Prioritetet e qeverisë britanike dhe afatet kohore për negociatat e Brexit nuk kanë ndryshuar si rezultat i zgjedhjeve të javës së shkuar, të cilat prodhuan një parlament ‘të varur’, njoftoi sot sekretari i Brexit, David Davis.

Davis i bëri thirrje kryeministres së Partisë Konservatore, Theresa May që të ndryshonte planin e saj për ta nxjerrë Britaninë e Madhe nga tregu i vetëm i BE-së .

“Pengimi i zgjedhjeve, pasi kryeministrja May u kërkoi votuesve shumicën e votave, por që mbeti me një qeveri të pakicës, nuk mund ta zbuste marrëveshjen e Brexit për Britaninë”, raportoi sekretari i Brexit, Davis për transmetuesin “ITV” duke shtuar se ai e hodhi poshtë dallimin midis Brexit “të vështirë dhe të butë”.

Davis, i cili konfirmoi se do të marrë pjesë në bisedimet e para të Brexit më 19 qershor, mbështeti May si një lidere kombëtare mjaft të mirë.

May do të takohet sot me Komitetin e Deputetëve të partisë së saj, organ me influencë në Partinë Konservatore  në kuadër të ndryshimit të kabinetit të dielën, ndërkohë që vazhdon të përballet me kërkesat për dorëheqje të politikanëve të opozitës dhe komentatorët e medias.