David Datro Fofana është afër t’i bashkohet skuadrës së Bundesligës, Union Berlin në formë huazimi pa opsion blerjeje, sipas asaj që raporton Bild.
Fabrizio Romano në anën tjetër bën të ditur se ende lojtari nuk ka dhënë dritën e gjelbër – por kjo nuk ka të ngjarë të jetë një problem.
Sulmuesi 20-vjeçar që iu bashkua Chelseat në mesin e sezonit të kaluar do të ketë një shans për të luajtur në Ligën e Kampionëve.
Sezonin e kaluar, Union përfundoi i katërti në Bundesligë, andaj do të marrë pjesë në kompeticionin më të madh për klube në Evropë.
Fofana bëri katër paraqitje për skuadrën e parë në Stamford Bridge, kryesisht për të rinjtë. Ai ende nuk ka shënuar për klubin e tij të ri. /Telegrafi/